പാലക്കാട് പ്രവാസി അസോസിയേഷൻ ഓഫ് കുവൈറ്റ് (PALPAK) 15-ാം വാർഷികാഘോഷങ്ങളുടെ ഭാഗമായി 'വിദ്യാജ്യോതി' പദ്ധതി സംഘടിപ്പിച്ചു.

പാലക്കാട് പ്രവാസി അസോസിയേഷൻ ഓഫ് കുവൈറ്റിന്റെ (PALPAK) 15-ാം വാർഷികാഘോഷങ്ങളുടെ ഭാഗമായി പൽപക് വനിതാവേദി നിർധനരായ വിദ്യാർത്ഥികൾക്ക് പഠനോപകരണ കിറ്റുകൾ വിതരണം ചെയ്തു. പാലക്കാട് ജില്ലയിലെ വിവിധ ഭാഗങ്ങളിൽ നിന്നുള്ള അർഹരായ കുട്ടികൾക്കാണ് സഹായമെത്തിച്ചത്.

2023 ഓഗസ്റ്റ് 6 ഞായറാഴ്ച രാവിലെ 11 മണിക്ക് കെ.പി.എം റെജൻസി ഓഡിറ്റോറിയത്തിൽ വെച്ച് നടന്ന ചടങ്ങിൽ പാലക്കാട് നഗരസഭ അധ്യക്ഷ ശ്രീമതി പ്രിയ അജയൻ "വിദ്യാജ്യോതി" പദ്ധതിയുടെ ഉദ്ഘാടനം നിർവ്വഹിച്ചു. ട്രിനിറ്റി ഐ കെയർ സി.എം.ഡി ഡോ. മൃദുല സുനിൽ വിദ്യാർത്ഥികൾക്കുള്ള പഠനോപകരണങ്ങൾ വിതരണം ചെയ്തു. പ്രശസ്ത നാടൻപാട്ട് فنകാരൻ പുതുശ്ശേരി ജനാർദ്ദനൻ നാടൻപാട്ടുകളിലൂടെ കുട്ടികളുമായി സംവദിച്ചു.

പാൽപാക് അഡ്വൈസറി ബോർഡ് അംഗം അഡ്വ. സുരേഷ് പുളിക്കൽ അധ്യക്ഷത വഹിച്ച ചടങ്ങിൽ വനിതാവേദി അംഗം സ്മിത മനോജ് സ്വാഗതവും ഫർവാനിയ ഏരിയ സെക്രട്ടറി സംഗീത് പരമേശ്വരൻ നന്ദിയും പറഞ്ഞു. ജിജു മാത്യു, മനോജ് പരിയാനി, ശിവദാസ് വഴയിൽ, കൃഷ്ണകുമാർ, ഹരി, മോഹനൻ എന്നിവർ ചടങ്ങിൽ ആശംസകൾ അറിയിച്ചു.